ӨСКЕМЕН. ҚазАқпарат - Өскемен қаласында су құбыры желісінде апат болды, деп хабарлайды ҚазАқпарат тілшісі қалалық әкімдіктің Instagram желісіндегі аккаунтына сілтеме жасап.
Шаһар әкімдігінің мәліметіне сүйенсек, 31 қаңтарда сағат 15:00-де Мызы көшесіндегі көлікжай кооперативтері маңында диаметрі 500 мм (7 метрден астам тереңдікте) су құбыры желісінде апат болған.
«Сағат 16.00-де апаттық учаске өшірілді. Қазіргі уақытта Шмелев Лог ауданында суық су қысымы төмендетілген. Жұмыс жоспары бекітілген соң құбырды жедел қалпына келтіру шаралары жүргізіледі», - делінген хабарламада.
Осы сәтте көшені басқан суды арнайы техника сорып, жолдар тазартылуда.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.