ТАШКЕНТ. KAZINFORM – Өзбекстан президенті Шавкат Мирзиёев Құрбан айтты мерекелеу туралы қаулыға қол қойды, деп хабарлайды Kazinform агенттігінің Ташкенттегі меншікті тілшісі Әлихан Асқар.
Құрбан айттың бірінші күні 16 маусым, жексенбі күніне түседі. Сондықтан демалыс дүйсенбі, яғни 17 маусымға ауыстырылды.
Сондай-ақ сейсенбі, 18 маусым барлық жұмысшылар үшін қосымша демалыс күні болып жарияланды.
Осылайша, аптасына 5 күн жұмыс істейтін өзбекстандықтар Құрбан айтта қатарынан 4 күн демалады: 15 маусымнан 18 маусымға дейін.
Қоса кетсек, бұған дейін қазақстандықтардың Құрбан айтта қанша күн демалатынын жазып едік.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.