АСТАНА. ҚазАқпарат - АҚШ-тың Лэйк-Плэсид қаласында өтіп жатқан 2023 жылғы Қысқы Универсиадада спортшылар шаңғымен қоссайыстан сынға түсті, деп хабарлайды ҚазАқпарат тілшісі.
Қазақстан құрамасынан аталған сайыста Мағжан Амангелдіұлы мен Әли Асқар жарыс жолына шықты.
Жарыстың алғашқы кезеңінде спортшылар трамплиннен секіруден бақ сынады. Бұл жолы Мағжан Амангелдіұлы 81.5 балл жинап, 13-орын алды. Ал Әли Асқар 59.4 баллмен 17-орынға тұрақтады.
Алғашқы кезең нәтижесімен жапониялық Сакутаро Кобаяси 138.6 балл жинап, жеңімпаз атанды.
Сайысқа барлығы он тоғыз спортшы қатысты.
Енді 15 қаңтарда 10 шақырымға еркін мәнермен шаңғымен жарыс өткізіледі.
Еске салсақ, дүбірлі додада еліміздің атынан 78 спортшы бақ сынайды.
Сондай-ақ, шайбалы хоккейден Қазақстан студенттен құрамасы алғашқы екі кездесуінде жеңіске жетті.
Ашық көздерден алынған фото
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.