ҚЫЗЫЛОРДА. ҚазАқпарат - Қызылорда облысында алаяқтық қылмысы 54,4 пайызға азайды, деп хабарлайды ҚазАқпарат тілшісі.
Өңірде жыл басынан бері алаяқтық қылмысқа қатысты 139 іс тіркелген. Бұл былтырғы жылмен салыстырғанда 54,5 пайызға төмен. Ал интернет-алаяқтық қылмысы 68,3 пайызға азайды.
«Биыл алаяқтыққа байланысты 13 қылмыстық іс сотқа жолданды. Сондай-ақ, қаржы пирамидасын құрудың 1 дерегі анықталды. Қазіргі таңда бұл іс бойынша тергеу жұмыстары жалғасуда. Жыл көлемінде тұрғындар арасында алаяқтықтың құрбаны болмау үшін профилактикалық шаралар жүргізіледі. Көбінесе алаяқтар адамдарға қоңырау шалып немесе «Whatsapp» желісі арқылы жеңіл ақша ұсынады. Сондықтан таныс емес адамнан осы секілді ұсыныстар түссе, жіті тексеруді немесе полиция қызметкерлеріне хабарласуды сұраймыз», - деді облыстық полиция департаментінің тергеу жөніндегі басқарма бастығы Нұрсұлтан Әлтай.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.