ҚЫЗЫЛОРДА. ҚазАқпарат - Қызылорда облысы Қазалы ауданында автокөлік пен мотоцикл соқтығысып, бір адам ауруханаға жеткізілді, деп хабарлайды ҚазАқпарат тілшісі.
Оқиға 2 мамырда сағат 12.00 шамасында Қазалы ауданының орталығы – Әйтеке би кентінде болды. Бұл жөнінде аудандық полиция бөліміне хабар келіп түскен.
«Тексеру барысында көше бойында автокөлік пен мотоцикл соқтығысқаны анықталды. Соның салдарынан 1 адам дене жарақатымен ауруханаға жеткізілді. Қазіргі уақытта 2 көлік те айып алаңына қойылды. Жан-жақты тексеру амалдары жүргізілуде», - деп мәлім етті Қызылорда облыстық Полиция департаменті баспасөз қызметінен.
Айта кетейік, бұдан бұрын қызылордалық ұрлаған көлігімен жол жиегінде аударылып қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.