ҚЫЗЫЛОРДА. ҚазАқпарат - Қызылордада облыс тұрғынының коронавирус жұқтыру оқиғасы туралы әлеуметтік желіде жалған ақпарат таратқан 62 жастағы әйел ұсталды, деп хабарлайды ҚазАқпарат тілшісі.
Бұл туралы облыстық полиция департаментінің баспасөз қызметі хабарлады.
Әлеуметтік желі арқылы аймақта коронавирус жұқтырғандар бар деп жалған ақпарат таратқан екі әйел қазір қамауға алынған. Оның бірінің жасы 62-де болса, екіншісі 32-де. Кінәлілер өз қатесін толық мойындап, өкініш білдірген. Қылмыстық кодекстің 274-бабы, 4-тармағына сәйкес (төтенше жағдай кезінде көрінеу жалған ақпарат тарату) сотқа дейінгі тергеу басталды.
«Тексерілмеген ақпаратты таратпау туралы көптеген ескертуге қарамастан, полиция тұрғындар арасында алаңдаушылық туғызған жалған ақпарат таратқан екі адамды анықтады», – деді Қызылорда облыстық полиция департаменті.
Еске сала кетсек, Қызылорда облыстық прокуратурасы өңірде COVID-19 инфекциясынан емделіп жатқан тұлғалар бар екендігі туралы ақпаратттың шындыққа жанаспайтынын мәлімдеген еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.