ҚЫЗЫЛОРДА. ҚазАқпарат - Қызылордада аймақтық 1414 бірыңғай байланыс орталығына төтенше жағдай режимі енгізілгелі 70 мың қоңырау түскен, деп хабарлайды ҚазАқпарат тілшісі.
Бірыңғай байланыс орталығы еліміздің 5 облысында ғана бар. Қызылорда қаласындағы орталықтың мамандары әр аймақтан қоңырау қабылдап, жауапты өңірлерге бағыт берді. Төтенше жағдай күрделі кезде орталық негізгі үш бағыт бойынша жұмыс істеді.
Елде төтенше жағдай режимі енгізілгелі аймақтағы 1414 бірыңғай байланыс орталығына 70 мың қоңырау түскен. Оның басым бөлігі - жаппай тәртіпсіздік кезінде туған-туысының жоғалуына қатысты шағымдар.
Қазір мұнда 70 оператор көпшілікті толғандырған кез келген сауалдарға жауап беруде. Соңғы күндері тұрғындар тарапынан әлеуметтік төлемдерге, мемлекеттік қызметтерді алуға байланысты сұрақтар да жиіледі, -деді «Азаматтарға арналған үкімет» МК КЕАҚ облыс бойынша филиал директоры Айнұр Тобаева.
Еске салсақ, юұдан бұрын Қызылордада төтенше жағдай кезінде 308 құқық бұзушылық анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.