ҚЫЗЫЛОРДА. ҚазАқпарат - Қызылорда облысында тұрғындар пайдалануға тыйым салынған ақбөкен мүйізімен қолға түсті, деп хабарлайды ҚазАқпарат тілшісі облыстық полиция департаментінің баспасөз қызметіне сілтеме жасап.
Облыс аумағында 10-17 ақпан күндері «Браконьер» жедел-профилактикалық іс-шарасы өткізілді. Нәтижесінде Қазалы және Арал аудандарында полиэтилен пакетке ақбөкен мүйізін салып алған жергілікті тұрғындар қолға түсті.
«Аталған дерек бойынша ҚР Қылмыстық кодексінің 339-бабы бойынша сотқа дейінгі тергеп-тексеру жүргізілуде. Онда өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу жағдайы көрсетілген», - деп мәлім етті Қызылорда облыстық полиция департаментінің баспасөз қызметі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.