ҚЫЗЫЛОРДА. ҚазАқпарат - Бүгін Қызылордада электр бағанасы көлік үстіне құлап, ішіндегі адамды басып қалды, деп хабарлайды ҚазАқпарат тілшісі.
Оқиға бүгін жергілікті уақытпен сағат 14.18-де болған. Бұл жерге өрт сөндіру және апаттық-құтқару жұмыстары қызметінің мамандары дереу жетті.
Онда 51 жастағы азаматтың «ГАЗель» көлігінің ішінде қалып қойғаны анықталды.
«Бұдан кейін өрт сөндіру және апаттық-құтқару жұмыстары қызметінің мамандары арнайы көлікпен құлаған бағананы көтерді. Зардап шеккен азаматтың көлігін қауіпсіз жерге шығарды. Оған медициналық көмек көрсетілді», - деп мәлім етті Қызылорда облыстық төтенше жағдайлар департаменті Өрт сөндіру және апаттық-құтқару жұмыстары қызметінің баспасөз хатшысы Әлия Ережепова.
Бұдан бұрын Қызылордада 5 жасар бала көпқабатты үйдің терезесінен құлап кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.