ҚЫЗЫЛОРДА. ҚазАқпарат - Қызылордада 9 тамызда Шіркейлі каналына жуынуға барған сәтте құлап кеткен 28 жастағы жігіттің мәйіті табылды, деп хабарлады ҚазАқпарат тілшісі.
Оқиға Қызылорда қаласы маңындағы Шіркейлі каналы аумағында елорда уақытымен 05.55-те болды. Жуынуға келген 28 жастағы жігіт суға батып кетті.
«Сол күні құтқарушылар іздестіру жұмыстарын жүргізді. Ол жұмыстар ешбір нәтиже берген жоқ. Іздестіру 10 тамызда да жалғасып, құтқарушылар жігіттің мәйітін жергілікті уақытпен 19.30-да өзі суға батып кеткен аумақтан 300 метр қашықтықтан тапты. Мәйіт су бетінде қалқып жүрген жерінен жағаға шығарылды», - деп мәлім етті Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің өкілдері.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.