ҚЫЗЫЛОРДА. ҚазАқпарат - Қызылордада жедел құтқару жасағының мамандары мал бағуға шығып, бірнеше күн бойы хабарсыз кеткен адамды іздеп тапты, деп хабарлайды ҚазАқпарат тілшісі.
Қызылорда қаласы төтенше жағдайлар департаментіне мал бағуға шығып, қайта оралмаған азамат жөнінде хабар келіп түсті.
«Осыған байланысты жедел-құтқару жасағының құтқарушылары іздеуге шықты. Оған екі іздестіру иті пайдаланылды. Мамандар «УАЗ-3909» автокөлігімен Қызылшың аумағында іздестіру шараларын жүргізді. Нәтижесінде құтқарушылар «ҚуатАмлонМұнай» АҚ кенішіне қарай 20 шақырым жерден 1967 жылғы малшыны аман-есен тапты.
Оны қожалық иесі мен полиция қызметкерлеріне тапсырды. Іздестіру жұмыстарына полиция қызметкерлері мен қожалық иесі бірге атсалысты», - деп мәлім етті Қызылорда облыстық төтенше жағдайлар департаментінен.
Еске салсақ, бұдан бұрын Қызылордада жоғалған 17 жастағы қыз Алматыдан табылды .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.