ҚЫЗЫЛОРДА. ҚазАқпарат - Қызылордада автокөлік жүргізушісі патрульдік полиция қызметкерлеріне пара беру үстінде ұсталды, деп хабарлайды ҚазАқпарат тілшісі.
Қызылорда облысы полиция департаменті қызметкерлерімен жүргізілген жедел-профилактикалық іс-шарасы барысында автокөлік жүргізушісі олардан әкімшілік хаттама толтырмауын сұраған.
«Күдікті кінәсін толық мойындап, оған қатысты «ешқайда кетпеу және өзін дұрыс ұстау» түріндегі бұлтартпау шарасы қолданылды. Аталған дерек бойынша Өзіндік қауіпсіздік басқармасымен ҚР Қылмыстық Кодексінің 367-бабының 1-бөлігімен (пара беру) сотқа дейінгі тергеп-тексеру жүргізілуде. Мән-жайы анықталуда», - деп мәлім етті Қызылорда облыстық полиция департаментінің баспасөз қызметінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.