ҚЫЗЫЛОРДА. ҚазАқпарат - Қызылордада тротуарда көлік жүргізген тұрғын тиісті жазаға тартылды, деп хабарлайды ҚазАқпарат тілшісі.
Бұл келеңсіз оқиғаның орын алғанын Facebook желісінде Жасұлан Болатбекұлы жариялады. Оқиғаны Қызылорда облыстық полиция департаментінің баспасөз қызметі растады. Оған байланысты төмендегіше түсініктеме берді.
«Аталмыш оқиға бойынша «ВАЗ -21099» автокөлік жүргізушісіне ҚР Әкімшілік құқықбұзушылық туралы кодексінің 612-бабының 4-бөлігі, 595-бабының 2-бөлігі және 597-бабының 2-бөлігіне сәйкес әкімшілік хаттамалар толтырылды. Автокөлік айып алаңына қойылды. Сонымен қатар, көлік жүргізушісіне бұған дейiн 2019 жылғы 14 қазанда ҚР Әкімшілік құқықбұзушылық туралы кодексінің 596-бабының 5-бөлігімен әкімшілік шара қолданылған болатын», - деп мәлім етті Қызылорда облыстық полиция департаментінің баспасөз қызметі.
Бұдан бұрын Қызылордада көлік апатынан екі адам көз жұмды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.