ҚЫЗЫЛОРДА. ҚазАқпарат - Қызылордада заңсыз ашылған букмекерлік ойынханалар белгілі болды, деп хабарлайды ҚазАқпарат тілшісі.
Бұл «Учаске» жедел профилактикалық іс-шарасы барысында анықталды. Аталған орындар Шиелі кентіндегі №11 және 12 үйлердің бірінші қабатында орналасқан. Оған қоса Абылайхан көшесінен «Зенит» букмекерлік кеңсесінің ішінен заңсыз ойынхана анықталды.
«Аталған деректер бойынша Әкімшілік құқық бұзу кодексінің 444-бабының 1-бөлігіне сәйкес әкімшілік хаттамалар рәсімделді. Онда құмар ойындарға қатысу, ойнау және рұқсат беру жағдайы көрсетілген. Аталған іс аудандық сотқа жолданды», - деп мәлім етті Қызылорда облыстық полиция департаментінің баспасөз қызметі.
Сондай-ақ,
бұдан бұрын Қызылордада 21 жылқыны қолды еткен ұры қолға түскен болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.