ҚЫЗЫЛОРДА. ҚазАқпарат - Қызылорда қаласында жоғалған 17 жастағы қыз Алматы қаласынан табылды, деп хабарлайды ҚазАқпарат тілшісі.
Еске сала кетейік, 25 наурызда полиция қызметіне 17 жастағы жасөспірім қыздың белгісіз бағытқа шығып, үйіне қайта оралмағаны жөнінде хабарлама келіп түсті.
«Соған орай полиция қызметкерлері мен туыстары іздестіру жұмыстарын жүргізді. Нәтижесінде жасөспірімнің Алматы қаласында жүргендігі анықталды. Қызылорда қалалық полиция басқармасының қызметкерлері Алматы қаласына жіберілді. Олар кәмелет жасына толмаған жасөспірім қызды Қызылордаға жеткізіп, ата-анасына табыстайды», - деп мәлім етті Қызылорда облыстық полиция департаментінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.