ҚЫЗЫЛОРДА. ҚазАқпарат - Қызылорда облысында жылқымен мал іздеуге шыққан 36 жастағы азамат екі күннен кейін табылды, деп хабарлайды ҚазАқпарат тілшісі.
Қызылорда қаласына қарасты Қосшыңырау ауылдық округіне қарасты Абай ауылындағы шаруа қожалығында жұмыс істейтін 1984 жылы туған азамат 15 қараша күні сағат 12.00 шамасында мал қарау үшін жылқы мініп шығып кеткен.
«Сырдария ауданы бағытында жолға шыққан ол содан бері хабарсыз кетіп, үйге оралмаған. Жедел құтқару жасағынан 4 құтқарушы мен 1 кинолог іздеуге кірісті. Іздестіру шаралары барысында ол елсіз даладан табылды. Табылған азамат жедел жәрдем қызметіне жеткізілді», - деді облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Еске салсақ, бұдан бұрын мал бағып жүріп жоғалған бала қойлармен бірге елсіз далада түнегенін жазған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.