ҚЫЗЫЛОРДА. ҚазАқпарат - Қызылорда қаласында келушілерге жезөкшелер қызметін ұсынған 3 демалыс орны анықталды, деп хабарлайды ҚазАқпарат тілшісі.
Қызылорда қалалық полиция басқармасы 22 қарашадан бастап «STOP-трафик» жедел шара жүргізуде. Аталған операция адам саудасына байланысты қылмыстарды ашуға және оның алдын алуға бағытталған.
«Шара барысында басқарманың жедел уәкілдері жеңгетайлықтың жолын кесті. Қала орталығында орналасқан «3 демалыс орнында клиенттерге жезөкше қызметі ұсынылады» деп хабар түскен болатын. Тексеру барысында ақпарат расталды. Қазіргі таңда сотқа дейінгі тергеп-тексеру амалдары жүргізілуде. Тергеу оқиғаның толық мән-жайын анықтауда. Ал жезөкшелікпен айналысқан тұрғындар тіркеуге алынды», - деп мәлім етті Қызылорда қалалық полиция басқармасынан.
Еске слсақ, бұдан бұрын қызылордалық жігіт әлеуметтік желіде танысқан қызды достарымен келіп тонап кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.