АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 8-туры мәресіне жетті, деп хабарлайды ҚазАқпарат тілшісі.
Бұл турда Петропавлдың «Қызылжар» клубы биылғы біріншіліктегі алғашқы жеңілістің ащы дәмін татты.
Олар Қарағандыда жергілікті «Шахтермен» шеберлік байқасты.
Кездесу тағдырын 62-минутта қарағандылық клубтан Темур Чогадзе соққан жалғыз гол шешті.
Осылайша «Қызылжар» қарсыласына 0:1 есебімен жол берді.
Сондай-ақ, тағы бір кездесуде «Каспий» (Ақтау) мен «Атырау» 1:1 есебіне қанағат білдірді.
Ал «Жетісу» «Оқжетпесті» 1:0 есебімен тізе бүктірді.
Еске салсақ, 6 мамырда «Тобыл» өз алаңында «Қайратқа» 2:3 есебімен жол берсе, «Астана» елордада «Мақтаралдан» 2:0, «Ақтөбе» «Ақсудан» 2:1, «Ордабасы» «Қайсардан» 4:0 есебімен басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.