АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 2-туры мәресіне жетті, деп хабарлайды ҚазАқпарат тілшісі.
«Атырау» өз алаңында Қызылорданың «Қайсарын» қабылдады.
Ойын барысында қызылордалық клуб сапынан Василий Совпель 4-минутта есеп ашты.
Оған «Атырау» командасынан Евгений Козлов 31, Игорь Стасевич 45-минутта екі голмен жауап қайырды.
Осылайша атыраулық ұжым қарсыласынан 2:1 есебімен басым түсті.
Ал Петропавлдың «Қызылжары» екі ойын қатарынан 1:0 есебімен жеңіске жетті. Бұл жолы олар Түркістан облысының «Мақтаралын» тізе бүктірді.
Аталған турда 9 наурызда сырт алаңда «Астана» «Жетісуды» 2:0, «Ордабасы» «Шахтерді» 4:1, «Қайрат» «Ақсуды» 3:1 есебімен сүріндірді.
Ал «Ақтөбе» өз алаңында «Оқжетпестен» 5:1 есебімен басым түсті.
Сондай-ақ, 10 наурызда «Тобыл» сырт алаңда «Каспийден» 1:0 есебімен жеңіп кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.