«Шынымды айтсам, өзіңді біртүрлі сезінеді екенсің. Қолда алатаяқтың болғанына үйреніп қалғансың ғой. Әсіресе, жол қозғалысын реттегенде алатаяқты айналдыруға үйренгенбіз. Сосын көлікті қолмен тоқтатқаны да қызық. Енді, қазіргі жаңалыққа да үйренетін шығармыз. Дегенмен, алатаяқ қажет деп ойлаймын. Алатаяқтың ішкі жарығы болғаннан кейін түнгі уақытта анық көрінеді. Онсыз боранды күні немесе даланы тұман басқанда жол қозғалысын реттеу қиын. Көлік жүргізішулері менің қандай белгі беріп тұрғанымды көрмей қалуы әбден мүмкін. Білмеймін, бізге жарыққа шағылысатын қолғап беретін шығар. Сонда жол-патрульдік полиция қызметкерінің белгісі анық көрінеді», -дейді ол.
Айта кетейік, 1 қаңтардан бастап еліміздегі жол-патрульдік полиция қызметкерлері толығымен автопатрульге ауысты. Бұдан былай көшеде ережені бұзған көлік жүргізушілерін алатаяқпен тоқтатуға рұқсат жоқ. Қала сыртындағы бекеттерде машинаны тоқтатуға болады.Алайда соның өзінде полиция қызметкері қолмен белгі беруі тиіс.
13:32, 02 Қаңтар 2017
Маған алатаяқ қажет - жол полициясы қызметкері
АСТАНА. ҚазАқпарат - Биылдан бастап Қазақстанның жол-патрульдік полицейлері алатаяқтарын тастап, жол қозғалысы ережелерін бұзғандарды тек автопатруль арқылы ғана тоқтатуға көшіп отыр. Жол қиылысындағы қозғалысты реттеу жұмысы да алатаяқсыз жүрігізілуі тиіс. ҚазАқпарат тілшісіне сұхбат берген жол-патрульдік полиция қызметкері жаңа жылдағы жаңалықтың әсерімен бөлісті. Алайда өз атын жазбауды өтінді.