Магзұм Мырзағалиевтің айтуынша, екі ел арасындағы экономикалық ынтымақтастық тұрақты түрде нығайып келеді.
— Тек өткен жылдың өзінде C5 1 саммиті аясында жалпы құны 17,2 млрд АҚШ долларын құрайтын коммерциялық келісімдерге қол қойылды, — деді Президент кеңесшісі Астанада өткен «Қазақстан — Америка» дөңгелек үстелі барысында.
Ол Қазақстан америкалық серіктестермен ынтымақтастықты одан әрі дамыту үшін бірқатар перспективалы бағытты қарастырып отырғанын атап өтті.
— Біз стратегиялық маңызды пайдалы қазбалар, цифрлық технологиялар, жоғары технологиялық өндіріс, жасанды интеллект, энергетика және инфрақұрылым салаларындағы ынтымақтастықты тереңдетуге зор мүмкіндік көріп отырмыз, — деді Мағзұм Мырзағалиев.
Президент кеңесшісінің сөзінше, Орталық Азиядағы ең ірі экономика ретінде Қазақстан америкалық инвестицияларды тарту және АҚШ бизнесінің өңірдегі қатысуын кеңейту үшін барлық мүмкіндікке ие.
— Экономикалық реформаларды жалғастыруға, ашықтықты қамтамасыз етуге және инвесторларға қолайлы саясат жүргізуге деген ұстанымымыз компанияларға Қазақстанда инвестиция салып, дамып, ұзақ мерзімді серіктестік орнатуға сенім береді, — деп түйіндеді Мағзұм Мырзағалиев.
Бұғкн дейін Серік Жұманғарин америкалық бизнес үшін перспективалы салаларды атаған еді.