АСТАНА. KAZINFORM – Таиландтың Чиангмай қаласында бокстан Азия чемпионатында Махмұд Сабырхан алтын жүлдеге қол жеткізді.
Әлем чемпионы М.Сабырхан 54 келіге дейінгі салмақта финалдық жекпе-жегін Өзбекстан өкілі Шахзод Музаффаровпен өткізді.
Бірінші кезеңде Махмұд 4:1 есебімен басымдылық танытты. Екінші кезеңде қазақстандық боксшы шабуылын үдеткенімен, есеп өзгерген жоқ. Қорытынды есеп – 4:1, Махмұдтың пайдасында.
Осылайша, бұдан екі жыл бұрын Азия біріншілігінде күміс алған Махмұд Сабырхан биыл оны алтынға ауыстырды.
Еске сала кетейік, бұдан бұрын Азия чемпионатының финалында 9 боксшының жетеуі өзбекстандықтармен алтынға таласатынын жазған едік.
Сондай-ақ Санжар Тәшкенбай бокстан Азия чемпионатының күміс жүлдесін иеленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).