Макрон Луврдан ұрланған қазыналардың қайтарылатынына уәде берді

АСТАНА. KAZINFORM — Франция президенті Эммануэль Макрон Луврдағы зергерлік бұйымдардың ұрланғанына жауап беріп, олардың қайтарылып, кінәлілер жауапқа тартылатынын айтты. Бұл туралы ол Х әлеуметтік желісінде жазды.

— Луврда жасалған ұрлық — бұл біздің тарихымыз болғандықтан, біз бағалайтын мұраға жасалған шабуыл. Өнер туындыларын қайтарамыз, ал кінәлілер жауапқа тартылады. Осы мақсатта Париж прокуратурасының басшылығымен қолдан келгеннің барлығы жасалып жатыр», — деп жазды Макрон.

Еске сала кетейік, Париждегі Луврге ұры түсіп, онда Наполеонның әшекейлері қолды болды.

Кейін императрица Евгенияның тәжі қылмыс болған жердің жанынан табылды.