АСТАНА. ҚазАқпарат - «Мақтаарал» футбол клубының бас бапкері Константин Горовенко қызметінен кетті, деп хабарлайды ҚазАқпарат тілшісі.
Қазақстандық маман 2021 жылы команда тізгінін ұстады. Команданы бірінші лигадан Премьер-лигаға алып шығып, былтыр үздіктер қатарындағы орнын сақтап қалды.
Тәжірибелі маман команда құрамында қызметін жалғастырып, техникалық директор қызметіне тағайындалды. Ол жастар мен жасөспірімдер футболының дамуына назар аударады. Сондай-ақ, футбол орталығының жұмысына жауапты болады.
Футбол клубын алдағы ойындарға уақытша Руслан Эсатов дайындайды.
Қазір «Мақтаарал» командасы турнир кестесінде небәрі үш ұпаймен көш соңында тұр.
Еске салсақ, бұдан бұрын футболдан Премьер-лига командалары арасындағы ел біріншілігінің 9-туры мәресіне жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.