АҚТАУ. KAZINFORM – Маңғыстау облысының Төтенше жағдайлар департаменті 2026 жылғы 3 наурызда сағат 12:00 шамасында «Солтүстік-Шығыс Қаратұрын» кен орнында (жер қойнауын пайдаланушы — «Бозашы Нефть» ЖШС) № 403 ұңғымада «Caspian Drilling LLP» ЖШС мердігерлік ұйым бұрғылау жұмыстарын жүргізу кезінде газ-су шығарындысы орын алғандығын хабарлайды.
Апат салдарынан өрт болмаған және зардап шеккендер жоқ.
- Қазіргі уақытта қауіпті өндірістік объектіні пайдаланушы ұйымның күшімен, «Ақ Берен» кәсіби авариялық-құтқару қызметі және Маңғыстау облыстық төтенше жағдайлар департаментінің қызметкерлерінің күшімен апатты жою үшін дайындық жұмыстары жүргізіліп жатыр. Бұл оқиғаның себептері мен мән-жайларын тергеп-тексеру Қазақстан Республикасының «Азаматтық қорғау туралы» Заңына сәйкес жүргізілетін болады, - делінген хабарламада.
Еске салайық, бұған дейін Оңтүстік Қаратұрын кен орнында төтенше оқиға болған еді.
Маңғыстау облысы: Қаратұрын кен орнындағы өрт 6 айдан соң сөндірілді.
Қаратұрындағы алты айға созылған өрт бойынша 361 млн теңге айыппұл салынды.
Аягөз Ізбасарова
Ізбасарова Аягөз Оралбайқызы телевизия саласында 2003 жылдан бері жұмыс істейді. Еңбек жолын «Қазақстан» РТРК» АҚ Маңғыстау облыстық филиалы «Қазақстан-Ақтау» телеарнасында жүргізуші-редакторлықтан бастап, редактор, шеф-редактор қызметтерін атқарды. Соңғы 7 жылдан бері «Қазақстан» Ұлттық арнасының Маңғыстаудағы меншікті тілшісі. Ақпарат саласының үздігі. Kazinform халықаралық ақпарат агенттігінде 2024 жылғы мамырдан бастап қызмет етеді.