ОРАЛ. KAZINFORM — Маңғыстау облысында оқу-жаттығу кезінде тірі қалған үш сарбаздың бірі, батысқазақстандық Никита Удалов туған жеріне келді.
Сарбазды 5 қазан күні әуежайда туыстары мен достары күтіп алды.
Никита Удалов Instagram әлеуметтік желісіндегі парақшасында осынау қуанышымен бөлісіп, анасымен бірге түскен суретті жариялады.
Әлеуметтік желі қолданушылары Оралға аман оралған сарбазға ізгі тілегін білдіріп жатыр.
Еске сала кетейік, бұдан бұрын туысқандары Никита Удаловтың жағаға өзі шығып, аман қалғаны жөнінде айтқанын жазған едік.
Мемлекет басшысының Жарлығымен Н.Удалов «Ерлігі үшін» медалімен марапатталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).