АСТАНА. KAZINFORM – Марокко астанасы Рабат қаласында 30 мамыр – 1 маусым аралығында каратэден Премьер-лиганың шешуші бәсекесі өтеді.
Қазақстан каратэ федерациясынан мәлім еткеніндей, айтулы додада 64 мемлекеттен 376 таңдаулы каратэ шебері жүлдеге таласады.
Осы жарыс аяқталған соң Рабатта жылдың үздік спортшыларына Grand Winner жүлдесі табысталады.
Қазақстаннан Мөлдір Жаңбырбай, Софья Берульцева және Әсел Қанай Grand Winner-ден үмітті.
Рабатта ел намысын мына спортшылар қорғайды.
Әйелдер
Мөлдір Жаңбырбай (-50 кг),
Гүлмира Үсенова (-55 кг),
Әсел Қанай (-61 кг),
Николь Ценгель (-61 кг),
Айжан Бәкірова (-61 кг),
Софья Берульцева ( 68 кг).
Ерлер
Дархан Темірәлиев (-60 кг),
Дидар Әмірәлі (-67 кг),
Олжас Алтынбек (-67 кг),
Қайсар Алпысбай (-67 кг),
Нұрқанат Әжіқанов (-75 кг),
Данияр Юлдашев (-84 кг),
Никита Тарнакин (-84 кг).
Еске сала кетейік, бұдан бұрын қазақстандық каратэшілердің 4 алтын алғанын жазған болатынбыз.
Каратэден Азия чемпионатында Қазақстан құрамасы алғаш рет командалық есепте топ жарды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).