МАЙАМИ. KAZINFORM — Қазақстанның екінші, әлемнің 68-ракеткасы Юлия Путинцева Майами (АҚШ) WTA 1000 турнирінің төртінші айналымына өтті.
Қазақстандық теннисші үшінші айналымда әлемнің 79-ракеткасы, бельгиялық Грет Минненмен сынға түсті.
Бірінші партияда қос брейкке қол жеткізген Путинцева басымдылық танытты – 6:2.
Екіншісінде есесіне бельгиялық спортшы 3:1 есебімен алға кетті. Сет біткенше осы қарқынынан айырылған жоқ – 6:2.
Үшінші, шешуші партияда есеп 4:4 болған мезетте Путинцева брейк жасап, матчқа доп бергенде, өз мүмкіндігін жіберген жоқ – 6:4.
Бір сағат 41 минутқа созылған бәсекеде Юлия 1 эйспен бірге 4 брейк-пойнттың үшеуін сәтті пайдалана білді. Миннен 2 эйс, 2 брейкпен шектелді.
Юлия Путинцева ширек финалға шығу үшін әлемнің 2-ракеткасы, Беларусь өкілі Арина Соболенко немесе рейтингіде 36-орындағы украиналық Ангелина Калининаның қай жеңгенімен таласады.
Еске сала кетейік, бұдан бұрын Майами мастерс турнирінде Бублик пен Шевченконың жарыс жолын аяқтағанын жазған болатынбыз.
Елена Рыбакина 16 эйс жасап, 1/8 финалға шықты
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).