Бұл заң жобасы Парламент депутаттарының бастамашылығымен әзірленді. Құжат биыл референдумда қабылданған Қазақстан Конституциясын жүзеге асыруға бағытталған. Заң жобасында техникалық түзетулер ескерілген
— Жалпы, түзетулер салық жүктемесін немесе салық салу тетіктерін өзгертпейді. Атап айтқанда құжат жобасы Салық кодексін жаңа Конституциямен үйлестіріледі және мемлекеттік институттардың жаңа моделін айқындайды. Мәжілістің Қаржы және бюджет комитеті бұл заң жобасы бойынша тиісті мерзімде қорытынды әзірлеуге дайын, — деді депутат Татьяна Савельева.
Бұдан бұрын хабарланғандай, биыл наурыз айының басында Премьер-министрдің орынбасары — Ұлттық экономика министрі Серік Жұманғарин Салық кодексіне өзгерістер енгізу мүмкіндігіне қатысты пікір білдірді.
Айта кетейік, 17 наурызда Мемлекет басшысы Қасым-Жомарт Тоқаев ҚР Конституциясына және «2026 жылғы 15 наурызда қабылданған ҚР Конституциясын іске асыру жөніндегі шаралар туралы» Жарлыққа қол қойды.