Мемлекет басшысы жоғары білім туралы халықаралық конвенцияны ратификациялады

АСТАНА. KAZINFORM — Бұл туралы Ақорданың баспасөз қызметі хабарлады.

— Мемлекет басшысы «Жоғары білім беру саласындағы біліктілікті тану туралы Азия-Тынық мұхиты өңірлік конвенциясын ратификациялау туралы» Қазақстан Республикасының Заңына қол қойды, — делінген хабарламада.

Заңның мәтіні баспасөзде жарияланады.

Бұдан бұрын Мемлекет басшысы Қасым-Жомарт Тоқаев АҚШ Президенті Дональд Трамптың бастамасымен құрылған Бейбітшілік кеңесінің Жарғысына қол қойғанын жазған едік.