Бүгінде елімізде мемлекеттік көрсетілетін қызметтердің 1 476 түрі бар. Олардың қатарында құжаттарды беру және тіркеу, әлеуметтік төлемдер мен жәрдемақыларды тағайындау, анықтамалар мен лицензиялар беру және басқа да қызметтер бар.
— Жүргізілген бақылау нәтижесінде 400 мыңға жуық заң бұзушылық анықталып, 10 мыңнан астам азаматтың бұзылған құқықтары қалпына келтірілді, — делінген агенттіктің хабарламасында.
Биыл заң бұзушылықтарға байланысты мемлекеттік органдарға 1010 ұсыным енгізілген.
— 627 қызметкер тәртіптік жауапкершілікке тартылды. Мемлекеттік қызмет көрсету мерзімі мен тәртібін бұзған лауазымды тұлғаларға қатысты 433 әкімшілік хаттама толтырылды. Сот шешімімен бюджетке 24,5 миллион теңге айыппұл өндірілді, — деп хабарлады Мемлекеттік қызмет істері агенттігі.
Айта кетейік, мемлекеттік қызметшілер үшін жаңа мансаптық өсу тетігі енгізіледі.