«Мен қазақпын»: Павлодар оқушыларының челленджі әлеуметтік желіні дүр сілкіндірді
11:40, 02 Желтоқсан 2019
НҰР-СҰЛТАН. ҚазАқпарат - Павлодар қаласының орта мектептері арасында еліміздің Тәуелсіздік мерекесіне орай ерекше челлендж басталды, деп хабарлайды ҚазАқпарат тілшісі.
Абзал Қабдраш есімді азаматтың Facebook-тегі парақшасында жариялаған видеодан мектеп оқушыларының елімізде хитке айналған Қуандық Рақымның «Мен қазақпын» әнін қосыла шырқағанын көруге болады.
«Павлодар қаласының №25 жалпы орта білім беру мектебі Тәуелсіздік мерекесіне арналған челленджді «Жебе» және «Қағандық» қоғамдық бірлестігінен қабыл алып, №19 жалпы орта білім беру мектебіне жолдайды», - деді оқушылар әнді шырқамастан бұрын мектеп ұстаздарының бірі мектептің Instagram-дағы парақшасында жарияланған видеода.