Михаил Горбачев өзінің 85 жылдық мерейтойында ән шырқады

АСТАНА. ҚазАқпарат - Мәскеудегі Radisson қонақүйінің жанында үкіметтік нөмірлері бар көліктерден үлкен кептеліс орнады. Өйткені қонақүйдің екінші қабатында КСРО-ның алғашқы президенті болған Михаил Горбачевтің 85 жылдығын мерекелеу шарасы өтіп жатты.

Банкет залында 150-ден астам қонақ жиналды, олардың арасында саясаткердің әріптестері, әртістер болған.

Кештің ойын-сауық бағдарламасын музыкант Андрей Макаревич жүргізді. «Машина времени» тобының әншісі Горбачевпен бірге гитарамен Клавдия Шульженконың «Ескі хаттар» әнін шырқады, олардың микрофонын РФ-ның бұрынғы қаржы министрі Алексей Кудрин ұстап тұрды.

Саясаткерді құттықтауға Константин Эрнст, «Новая газетаның» бас редакторы Дмитрий Муратов және Михаил Горбачевтің басқа да әріптестері мен достары келген, деп жазады lifenews.ru.