АСТАНА. KAZINFORM – Қазақстандық, әлемнің 231-ракеткасы Михаил Кукушкин Манама (Бахрейн) челленджер турнирінің жеңімпазы атанды.
Қазақстандық теннисші финалда әлемнің 130-ракеткасы, франциялық Ришар Гаскемен бас жүлдені сарапқа салды.
М.Кукушкин бірінші партияда тай-брейкте басым түсті – 7:6 (7:5). Содан кейін екінші сетті де алды – 6:4.
Бір сағат 45 минутқа созылған тартысты бәсеке барысында Кукушкин 2 эйспен бірге 4 брейк-пойнттың тең жартысын өз есебіне жазды. Р.Гаске 3 эйс, 1 брейкпен (4 брейк-пойнт) көзге түсті.
Михаил Кукушкин осы табысының арқасында ATP Live рейтингісінде бірден 162-орынға көтеріліп тұр.
Еске сала кетейік, Елена Рыбакинаның Дубай WTA 1000 турниріндегі қарсыласы анықталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).