АСТАНА. KAZINFORM - Милад Карими спорттық гимнастикадан Қатар астанасы Дохада өтіп жатқан әлем кубогы кезеңінде чемпион атанды.
Еркін жаттығу бойынша финалда қазақстандық гимнаст өз шеберлігін таныта білді.
Сөйтіп төрешілер шешімімен 14.466 ұпай жинаған Милад Карими алтыннан алқа тақты.
Тағы бір қазақстандық Алтынхан Темірбек күміс жүлдеге ие болды.
Еске сала кетейік, бұдан бұрын Милад Каримидің спорттық гимнастикадан әлем кубогы кезеңінің финалына шыққанын жазған болатынбыз.
Турнирдің шешуші кезеңіне қоссырықтағы жаттығулар бойынша Милад Карими бірінші орынмен өтті. Қазақстандық гимнаст іріктеу барысында төрешілердің шешімімен 14.000 ұпай жинады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).