«Экологиялық реттеудің халықаралық тәжірибесін ескере отырып, экологиялық проблемаларды шешу үшін біз жұртшылықпен бірлесіп, арнайы жаңа құжат әзірледік. Жаңа Экокодекстің қолданыстағы Экологиялық кодекстен басты айырмашылығы – қоршаған ортаға теріс әсерді болдырмау үшін алдын алу шараларын қабылдауға бағытталған», - деп тоқталды министр кодекс жобасын Парламент Мәжілісінде таныстыру барысында.
Экологиялық кодекс жобасы 10 қағидатқа негізделген:
1) алдын алу қағидаты;
2) түзету қағидаты;
3) алдын ала сақтық қағидаты;
4) үйлесімдік қағидаты;
5) «ластағыш төлейді» қағидаты;
6) тұрақты даму қағидаты;
7) интеграция қағидаты;
8) экологиялық ақпараттардың қолжетімділік қағидаты;
9) қоғамдық қатысу қағидаты;
10) экожүйелік ұстаным қағидаты.
«Жоғарыда айтылған қағидаттарға сүйене отырып, мемлекеттік бақылауды, рұқсат беру жүйесін және шаруашылық қызметті жоспарлауды жетілдіру есебінен қоршаған ортаның жай-күйін жақсартуға мүмкіндік беретін бірқатар негізгі бағыттарды бөліп көрсетуге болады», - деді М. Мырзағалиев.
Осы орайда басты бағыттардың бірі ретінде озық қолжетімді технологияларды ендіру мен экономикалық ынталандыру шаралары қамтылып отыр.
Еске салсақ, Мағзұм Мырзағалиев еліміздегі экологиялық проблемаларды атаған болатын.