КӨКШЕТАУ. ҚазАқпарат - Ақмола облысы аумағында ауа райының жақсаруына байланысты «Нұр-Сұлтан-Петропавл» тас жолы ашылды, деп хабарлайды ҚазАқпарат тілшісі.
«Ауа райының жақсаруына байланысты ақпанның 8-і таңғы сағат 09:30 бастап «Нұр-Сұлтан-Петропавл» автомобиль жолының 18-231 шақырым учаскесінде (Нұр-Сұлтан қаласынан-Щучье қаласына дейін) көліктің барлық түрі үшін жол қозғалысы рұқсат етілді», - деп хабарлады «ҚазАвтоЖол» ҰК» АҚ баспасөз қызметіндегілер.
Айта кетейік, ақпанның 7-де ауа райының нашарлауына байланысты Ақмола облысы аумағында республикалық және облыстық маңыздағы жолдардың бірқатар уаскелері жабылған болатын.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.