АҚТӨБЕ. ҚазАқпарат - Ақтөбеде оқушыны зорлаған күдіктіге қатысты тергеу аяқталып, іс сотқа түсті, деп хабарлайды ҚазАқпарат тілшісі.
«Ақтөбе қаласының Алматы аудандық прокуратурасы айыптау актісін бекітіп, 21 жастағы Ақтөбе қаласы тұрғынына қатысты қылмыстық істі сотқа жіберді. Оған кәмелетке толмаған қызды зорлағаны үшін айып тағылды. Іс облыстық қылмыстық істер жөніндегі мамандандырылған ауданаралық сотына жіберілді», - деп жазды Ақтөбе қаласының Алматы аудандық прокуроры Жасұлан Дәулембаев.
Еске салсақ, оқиға 12 желтоқсан күні түсте болған. Ер адам 9 жасар оқушы қызды өз үйінде зорлаған. Ол пәтер есігін алдап ашқызған.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.