ОРАЛ. KAZINFORM – Орал қаласында дүкен отқа оранды.
БҚО ТЖ департаментінің баспасөз қызметінен мәлім еткеніндей, оқиға «Жұлдыз» және Ескі әуежай ауданында Евразийская көшесі 108-мекенжайында бүгін болды.
«Сағат 10.05-те өрттің болып жатқаны жөнінде хабар түскен. Алдын ала мәлімет бойынша дүкен 500 шаршы метр аумақта жанған. Тілсіз жауды ауыздықтауға ТЖД жеке құрамынан 57 адам, 26 техника жұмылдырылды. Өрт толығымен сөндірілді», - деп хабарлады ведомстводан.
Еске сала кетейік, бұдан бұрын Оралда тұрмыстық қалдықтар полигонында өрттің әлі бықсып жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).