ОРАЛ. KAZINFORM - Орал қаласы мен облыстың бірқатар ауданында бүгін түстің әлетінде шаңды дауыл соқты.
Фото: Әлеуметтік желіден
Тұрғындардың сөзіне қарағанда, қаланың көп бөлігінде жарық сөніп қалды.
Қатты жел ағаштарды құлатып, үйлердің шатырын ұшырып әкеткен. Бірқатар аудан, ауылдар да осындай жағдайға ұшырады. Оның үстіне өңірде күн де ыстық, 35 градусты көрсетіп тұр.
Фото: Әлеуметтік желіден
БҚО ТЖ департаменті баспасөз қызметінен мәлім еткеніндей, осындай ауа райы 8 шілде күні де сақталады. Облыстың батысында, солтүстік-батысында найзағай ойнап, желдің екпіні секундына 15-20 метрге жетеді. Күн 35 градус ыстық болғандықтан, өрт қаупі де жоғары.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).