ОРАЛ. KAZINFORM — Орал қаласында жылыту маусымы аяқтала келді.
«Жайықжылуқуат» АҚ бас директорының міндетін атқарушы Бекболат Қамешовтің Kazinform тілшісіне мәлім еткеніндей, Орал қаласында көпқабатты 1 217 үй болса, соларға жылу беру бүгін тоқтатылды.
Оның сөзіне қарағанда, шаһарда 42 балабақша, 56 мектеп, 33 медицина мекемесі бар.
— Әлеуметтік мекемелерге жылу беру олардың өтінімдеріне сәйкес тоқтатылады. Қазіргі кезде өтінімдер түсіп жатыр, соған байланысты жұмыс істейміз. Жалпы, жылыту маусымы қалыпты өтті, — деді Бекболат Қамешов.
Еске сала кетейік, бұдан бұрын Орал қаласында үйлердің басым көпшілігіне жылу берілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).