ОРАЛ. KAZINFORM — Орал қаласында Жайық өзенінен өтетін көпір бір күнге жөндеуге жабылады.
«ҚазАвтоЖол» ҰК» АҚ БҚО филиалынан мәлім еткендей, 26 тамыз күнгі сағат 21.00-ден бастап 27 тамыз сағат 08.00-ге дейін Жайық өзеніндегі көпір (Самара-Шымкент тасжолының 254-261 шақырымы) жөнделеді.
Автокөліктер Зачаган кенті Меловые горки елді мекені жағындағы көпір арқылы қатынайтын болады.
Еске сала кетейік, бұдан бұрын Орал қаласындағы көпір жөндеу жұмыстарына байланысты жабылатынын жазған болатынбыз.
1961 жылы салынған ескі көпір өткен жылы сәуір айында да жөндеуге жабылған еді.
Бүгіннен бастап Астананың Сығанақ көшесінде де бірнеше күнге көлік қозғалысына тыйым салынды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).