Орал қаласында жылу құбыры жарылып, мекеме жылусыз қалды
Орал қаласында жылу құбыры жарылып, халық шығармашылығы орталығы жылусыз қалды, деп хабарлайды Kazinform.
Фото: Ғайсағали Сейтақ/Kazinform
Фото: Ғайсағали Сейтақ/Kazinform
Орал қаласы әкімінің орынбасары Жандос Дүйсенғалиевтің айтуынша, 13 желтоқсан күні қалалық құбыр жүйесіндегі апаттық жағдайға байланысты Ю.Гагарин көшесі 105/3-мекенжайында орналасқан облыстық халық шығармашылығы орталығы уақытша жылудан ажыратылды.
Себебі — 1970 жылдары салынған құбыр ескірген. Қазіргі кезде жөндеу жұмыстары жүріп жатыр.
Фото: Ғайсағали Сейтақ/Kazinform
Облыстық халық шығармашылығы орталығының директоры Мәулет Жұбатов оқиғаны растап, аталмыш мекемеде 43 адам жұмыс істейтінін жеткізді.
«Жылу жоқ болған соң электр жылытқыш қосып отырмыз», — дейді қызметкерлер.
Фото: Ғайсағали Сейтақ/Kazinform
Сондай-ақ әлеуметтік желіде тұрғындар кейбір мектептер мен балабақшалар салқын екенін хабарлап, салдарынан балалар ауырып жатқанын жазып жатыр.
Осыған байланысты Орал қаласы білім бөлімінің баспасөз қызметі ақпаратты кейін беретінін жеткізді.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).