ОРАЛ. KAZINFORM — Оралда жылу құбырларын реконструкциялау жұмыстары жалғасып жатыр.
Фото: "Жайықжылуқуат" АҚ
«Жайықжылуқуат» АҚ бас директорының міндетін атқарушы Бекболат Қамешовтің айтуынша, қазіргі уақытта № 2 жылу магистралі жөндеуден өтуде. Осыған байланысты су ағызу жоспарлы жүргізіліп жатыр.
— Кеше құбыр жүйесі ажыратылды. Бүгін құбырларды бөлшектеу басталды. Жөндеу жұмыстары қыркүйек айына дейін жалғасады. Бұл мақсатқа 9,9 млрд теңге бөлінді. Осы қаржыға 3,9 км құбыр ауыстырылмақ, - деді Б.Қамешов.
Фото: "Жайықжылуқуат" АҚ
Еске сала кетейік, бұдан бұрын Орал қаласында тұрғын үйлерге жылу беру тоқтатылғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).