ОРАЛ. ҚазАқпарат – Батыс Қазақстан облысында республикалық маңызы бар жол әлі жабық тұр, деп хабарлайды ҚазАқпарат тілшісі.
БҚО Төтенше жағдайлар департаменті баспасөз қызметінің ақпаратына сүйенсек, бүгін сағат 10.30-дағы мәлімет бойынша Орал-Тасқала-РФ шекарасы (72-104 км, Тасқала ауылынан РФ шекарасына дейін) жолы ашылған жоқ.
Аталмыш жол боранға байланысты 10 наурыз күні сағат 22.50-де жабылған болатын.
Еске сала кетейік, бұдан бұрын Орал мен Ресей шекарасын жалғайтын автожолда ұзын-сонар кептеліс пайда болғанын жазған едік.
БҚО ТЖ департаментінің мәліметіне қарағанда, Орал-Тасқала-РФ шекарасы жолының 103 және 104-шақырымында тұрып қалған 15 жүк көлігі аршылған жерге шығарылды. Кейін жүк көліктері сапарларын жалғастырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).