ОРАЛ. ҚазАқпарат - Бұған дейін хабарланғанындай, Орал қаласында 13 сәуір күні 57 жасар Лариса Токареваны өз пәтерінде белгісіз біреу пышақтап кеткен болатын, соның салдарынан ол облыстық аурухананың жансақтау бөлімінде көз жұмған еді.
БҚО ІІД баспасөз қызметінен хабарлауына, қылмысқа байланысты бірнеше жорамал қарастырылып, марқұмның тума-туыстарынан, тұрғындардан сұрау алынды. Алғашқы күндердің өзінде күдіктінің кім екендігі анықталды. Көп ұзамай Орал қаласының еш жерде жұмыс жасамайтын 24 жасар тұрғыны ұсталып, кінәсін мойындады. Ол сот қаулысымен қамауға алынды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).