ОРАЛ. ҚазАқпарат – Оралда 9 жасар баланың өліміне байланысты қылмыстық іс қозғалды, деп хабарлайды ҚазАқпарат тілшісі.
Бұдан бұрын хабарлағанымыздай, Оралда 9 жасар бала жоғалып кетіп, кейін салынып жатқан тұрғын үй аумағынан денесі табылған болатын.
БҚО полиция департаментінің ресми өкілі Болатбек Белгібековтің мәлім еткеніндей, сараптама қорытындысына сәйкес баланың биік жерден құлап кеткені анықталды.
Соған байланысты тұрғын үйді салып жатқан «Болашақ-Т» ЖШС құрылыс компаниясына қатысты ҚР ҚК 279-бабы 1-бөліміне (абайсызда адам өлiмiне немесе өзге де ауыр зардаптарға әкеп соққан сәулет, қала құрылысы және құрылыс қызметі саласындағы қағидаларды немесе нормативтердің талаптарын бұзу) сәйкес қылмыстық іс қозғалды.
Қазіргі кезде тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).