ОРАЛ. ҚазАқпарат – Орал қаласында автокөлік қағып кеткен 3 оқушы қыз ауруханада жатыр, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметінен мәлім еткеніндей, оқиға 19 қыркүйек күні түсте Зачаган кентіндегі №30 мектеп жанында болды.
«Жедел жәрдем сағат 13.08-де шақырылды. 12 жасар қыз жабық бас-ми жарақатын алып, миы шайқалған, самай тұсы көгерген. 11 жасар қыз да жабық бас-ми жарақатын алып, миы шайқалған, ортан жілігі сынған. Денесінің көптеген жері көгерген. 13 жасар қыздың ортан жілігі сынған. Қазіргі кезде үшеуі де облыстық көпбейінді балалар ауруханасының травматология бөлімінде, жағдайлары тұрақты», деп хабарлады ведомстводан.
БҚО полиция департаментінің баспасөз қызметі оқиғаны растап, ақпаратты кейін беретінін жеткізді.
Еске сала кетейік, бұдан бұрын аялдамаға көлікпен тоқтап, оқушы қызға тиіскен ер адамның ұсталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).