ОРАЛ. ҚазАқпарат - Оралда автокөлік қағып кеткен ер адам ауруханаға жеткізілді, деп хабарлайды ҚазАқпарат тілшісі.
БҚО полиция департаменті баспасөз қызметінен түскен мәліметке қарағанда, оқиға 9 қараша күні шамамен сағат 09.00-де Орал-Желаев трассасында болды.
«Агран» ЖШС тұсында 68 жастағы жүргізуші «Лада 2107» автокөлігімен жаяу жүргінші өткелінде 49 жастағы ер адамды қағып кеткен.
Соның салдарынан көптеген дене жарақаттарын алған ер адам облыстық көпбейінді ауруханаға жеткізілді.
Медициналық куәландыру қорытындысына сәйкес жүргізуші ішімдік ішпеген.
Қазіргі кезде ҚР ҚК 345-бабы 1-бөлігіне сәйкес сотқа дейінгі тергеу амалдары жүргізілуде.
Облыстық денсаулық сақтау басқармасының баспасөз хатшысы Айнагүл Сақпосынованың нақтылауынша, ер адам жабық бас-ми жарақатын алып, миы шайқалған. Оң жамбасы сынған, оған қоса денесі көгерген.
Еске сала кетейік, бұдан бұрын Ресейде жасалған қылмысқа қатысы бар 11 автомашинаның БҚО-дан табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).