ОРАЛ. ҚазАқпарат – Оралда автокөлік қағып кеткен 51 жастағы ер адам көз жұмды, деп хабарлайды ҚазАқпарат тілшісі.
БҚО полиция департаментінің баспасөз қызметінен мәлім еткеніндей, оқиғаа 21 желтоқсан күні сағат 22.40-та болды.
«Құрманғазы көшесінің бойында 35 жастағы жүргізуші «Лада Приора» автокөлігімен белгіленбеген жерден өтіп бара жатқан жаяу жүргіншіні қағып кетті. Жол апаты салдарынан 51 жастағы ер адам аурухананың жансақтау бөлімінде қайтыс болды. Аталған дерек бойынша ҚР ҚК 345-бабы 3-бөлігіне сәйкес сотқа дейінгі тергеу амалдары жүргізілуде», деп хабарлады ведомстводан.
Биылғы 11 айда Орал қаласында жаяу жүргіншіні қағып кету бойынша 84 жол-көлік оқиғасы тіркелген. Соның салдарынан 7 адам қаза тауып, 81-і түрлі жарақат алған.
Еске сала кетейік, бұдан бұрын Оралда полицейге шабуыл жасаған тұрғынның қамауға алынғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).